ფრანგულენოვან მოსწავლეთა კონფერენცია “ფრანგულ-ქართული ურთიერთობების უცნობი ეპიზოდები”

 
  2022 წლის 3 დეკემბერს საქართველოს ფრანგული ინსტიტუტისა და თბილისის ილია ჭავჭავაძის სახელობის N23 საჯარო სკოლა-ის ორგანიზებით გაიმართა ფრანგულენოვან მოსწავლეთა კონფერენცია “ფრანგულ-ქართული ურთიერთობების უცნობი ეპიზოდები”.

   კონფერენციის მიზანი გახლდათ მოსწავლეებში ფრანგული ენის პოპულარიზაცია და საქართველო-საფრანგეთის საუკუნოვანი ურთიერთობების გაცნობა.

  ჩვენს ორგანიზაციას პატივი ერგო ყოფილიყო ღონისძიების  მონაწილე.

 ჯევროლუციის წარმომადგენელმა, ანა ჯიჯავაძემ, ჟიურის ამპლუაში გამოავლინა კონფერენციაში მონაწილე გამორჩეული გუნდი, ავთანდილ დეკანოიძის სახელობის ქალაქ ქუთაისის #32 საჯარო სკოლა-ის მოსწავლეები მასწავლებელ სოფიო მურუსიძის ხელმძღვანელობით.

 რჩეული გუნდის წევრებს ჯევროლუციისგან გადაეცათ სამახსოვრო სიგელები, მოსაწვევები ორგანიზაციის შიდა მასტერკლასებზე და ჩვენი პარტნიორი კომპანიის, Griffin • გრიფფინ ჯეო-ს პოლიგლოტთა აკადემიის ვაუჩერები.

 მადლობას ვუხდით კონფერენციის ორგანიზატორებს თანამშრომლობისთვის. ჩვენთვის მნიშვნელოვანია ევროპული ოჯახისკენ გადადგმული ნაბიჯები. მივესალმებით ამგვარ აქტივობებს და ვულოცავთ მონაწილეებს ღონისძიების წარმატებით ჩატარებას.

 კონფერენციის მხარდამჭერები: განათლებისა და მეცნიერების სამინისტრო, Ambassade de France en Géorgie, მასწავლებელთა პროფესიული განვითარების ეროვნული ცენტრი.